《一直以來都好想知道一樣野》
大家願意付出幾多去記錄人生最重要之一既回憶？
而又大家願意付出幾多去拜托我去完成依個咁重要又有意義既任務？
而我係市場上又到底值得收到一個點樣嘅價錢去支持我係依一個行業付出我嘅人生？
但每個人既能力唔同而每個人既選擇都因為能力而受限制，
我係婚禮攝影既工作上面接觸過唔同類型既人太多，
共通之處係我時至今日依然好榮幸，
能夠有緣去全力為每對新人記錄每個婚禮，
而我只想將自己既才能才華去為更加多既人記錄佢人生既重要一頁，
當然能夠因為依個緣份而成為朋友的話更加係難能可貴。
我覺得欣賞我作品既人唔應該受到自己經濟能力去放棄為自己選擇人生中最理想既攝影師，
而我都相信有能力付出更多既人願意為自己既回憶付出更多。
我有一個諗法，
我打算做一個自由定價既實驗，
比所有人係冇任何壓力既情況之下，
純粹以「想同唔想」去決定自己會唔會選擇我為佢哋記錄人生重要既回憶記錄。
到底會「烏托邦式」咁理想大家各自付出一個自己能力範圍內的價錢搵到自己想搵既攝影師，
令到能力較高既人群去支持到能力較低既人有能力擇選自己最好嘅攝影師？
定係每個人都只係打算佔小便宜而唔打算付出呢？
留言話比我知大家支唔支持依一個社會實驗？
Thank you!
