攝影師Alex Fung:

雖然今次拍攝已經過咗一段既時間,
但對我黎講依然有好多地方,都有深刻既印象因而有感而發決定邀請當日有份參與既咁多位,不如一齊分享當日既回憶所以最後會有今次依一篇blog 。

其實我本身都係屬於一啲比較孤僻性格嘅人,
所以一直以來都好少主動與人聯絡商討合作拍攝活動,
但其實我一直都希望有機會可以同其他人合作,
嘗試唔同既拍攝項目。
所以當日化妝師Barbie突然聯絡我商討合作,
我二話不說就立即應邀了,可能我內心一直期待緊別人嘅邀約,當然我對合作夥伴都好有要求而Barbie 絕對係好值得合作嘅化妝師。

當決定開拍攝合作後,就到了拍攝籌備既時間,因為係婚紗拍攝既項目所以主要準備合適既項目有婚紗、model同地點。
婚紗方面因為Barbie有合適合作既婚紗公司,所以順理成章我依個有點不負責任既攝影師就決定全權交比Barbie 負責安排,
而場地上我地都好快有左共識決定選擇建築藝術氣氛濃厚既K11 musea 作為拍攝場地,當然都有事前查詢得到場地拍攝既許可,而最後model既按排上其實我一早已經有最好嘅人選。

Jing 同 Anna佢哋係當我知道有依個拍攝時就第一時間聯想到既最佳人選,
佢哋有一個好特別嘅地方就係佢哋其實係一對雙胞胎。
剛認識佢哋嘅時候就有諗過如果有機會為一對雙胞胎拍攝,最後可以拍攝到一個點樣嘅效果呢?而藉著今次機會我主動聯絡佢地兩位,希望佢哋可以一同參與,而好開心佢哋兩位聽完都好有興趣參加今次嘅拍攝。

每一個拍攝背後都有一個攝影師,而每一個攝影師背後都有一班得力既助手,而今次拍攝既功臣自然少不了一班背後密密付出嘅助手,當我場地、服裝同model都準備好後,我自然要搵一班幕後功臣幫手,阿楠、Summer 、Kairos ,佢地三個都係一聽到我需要幫手就二話不說,出黎幫手既好助手。由我識佢地開始,對我而言佢地三位既潛質比我更高機遇比我更好,而我相信佢哋將來既發展一定會非常出色,而我都好高興可以遇到依三位願意幫助我既助手,而言助手既人選就始成團。

當服裝、model、地點、助手依一啲基本野都準備好曬既時候,我醒記一個我識於微時既好朋友kelvin,佢係一個好用心好努力拍片好出色既錄影師,係我初初出道時都為我提供左好多既幫助,而依個拍攝企劃我覺得如果可以有埋我依一個好朋友參與,絕對係可以令成件事更加完滿,而當我聯絡佢既時候,依位咁出色既錄影師都二話不說就應承左我既請求,而我今次拍攝既主力人員都已經正式成團。
化妝師 Barbie Hui : 

這次的作品是私心偏愛一輯,有2位第二次一齊合作的製作夥伴, 很有個人風格的攝影師  Alex 及攝錄師 Kelvin ,而且還有一對很有默契的孖生姊妹。
其實過往合作過的 demo 沒有很多,因為都貴精不貴多,唔係為咗純粹想要demo相而去做,而係希望合作過程大家都可以好好發揮,投入做好一件想做嘅事,呢個過程係最難忘最難得嘅。
Alex 和 Kelvin 都係我人生第一次夾婚紗demo的組合,作品除了吸引人之外,特別欣賞他們對攝影嘅態度和想法,往往能為作品注入驚喜。
當有這次拍攝想法的時候第一時間就想起 Alex,好記得之前pre wedding 合作過的照片令我印象非常深刻,他的照片就是拍出不一樣的風格,得有魅力,一直也希望可以有再次合作的機會。記得當我係facebook打了一段字邀請他的時候,其實也猶疑過要不要send,然後就拿出了好大的勇氣按下發送,當收到 Alex 回覆有興趣都鬆了一大口氣,大家就喺好短嘅時間商量好合作嘅嘢,主要因應攝影師的想法而定,以發揮最好的效果。
今次 Alex 仲邀請到 Kelvin 參與其中,Kelvin 是我還未正式做化妝時認識的,一直也很欣賞他對攝影的態度,喜歡他的影片作品都帶出不一樣的情感和故事,好開心能夠再次合作。這個幕後合作夥伴就在這樣的情況下誕生,對我來說也很有意思的。
婚紗方面,第一時間就是想到以前工作認識的朋友,由酒店公關跳出來開婚紗店的Joanne,一直都好喜歡她們的婚紗,款式高雅時尚,今次有 Le Soleil 的婚紗配合拍攝,令造型上更顯華麗。
最後當然還有好重要的拍攝主角,有 Alex 邀請的孖生姊妹 Anna(姐姐)& Jing(妹妹),她們有著相似的外貌,卻擁有彼此獨特的個性,散發著不一樣的美。配合 K11 Musea 的強烈建築風格與攝影師的演繹,出來的作品就是優雅、時尚、耐看、有代表性、有吸引力。當然這些都不只是我說的,當中的相片Alex也有拿到攝影獎項。相信即使過了十年再看,仍然會是我偏愛的,因為這都不只是一輯相片和影片,而是一個難忘嘅回憶!
Jing :

雖然之前一直有影相工作
但和家姐一齊穿婚紗拍照還是第一次
我們姐妹感情很好
加上Alex是我們的共同朋友
所以整個拍攝過程順利亦輕鬆。

Anna:

對比起妹妹,我幾乎沒有拍攝經驗,當得知有機會穿上Le Soleil的婚紗和妹妹及Alex的團隊合作時非常興奮!
當天我們去咗K11 Musea拍攝,Alex的構圖非常特別,能夠輕鬆運用商場設計營造各種相片風格,當然少不了團隊成員的幫忙。
如果再有機會會非常樂意再次合作🎊🎉
攝影Photo:Alex Fung photography 
化妝mua:Barbie Hui Makeup
錄影video :Kelvin Ka Wah Film Pictures
婚紗Gown :Le Soleil Bridal Closet
模特兒Model : Jing & Anna 
Helpers :Kairos、Summer、楠
___________
Facebook:
 
Photographer :@Alex Fung Photography 
https://www.facebook.com/alexfungphotography.hk
Videography: @Kelvin Ka Wah Film Pictures
https://www.facebook.com/kelvinkawah
Makeup: @Barbie Hui Makeup 
https://www.facebook.com/barbiehuimakeup/
Gown : @Le Soleil Bridal Closet
https://www.facebook.com/lesoleilbridal/
Model: Jing & Anna 
__________
Submit
Thank you!

You may also like

Back to Top