由交友App開始嘅關係及婚姻，
好多人會覺得交友app識嘅男仔女仔都係渣男傳銷妹，
包括我同佢！
不過不過我哋就係由交友App開始認識，
喺咁多人之中配對中咗已經好有緣，
加上有人話佢只係揀咗自己屋企附近，
都同我設定嘅有啲距離！
有人以為用地盤麻甩佬之名就會擊退我想同佢認識下嘅心，
可惜我無咩所謂！
就係因為咁繼續傾落去就發現其實佢好孝順、好顧家、愛屋及烏、個人好純品，
係一個工作好忙碌嘅大頭蝦暖男，
同佢出街總有滿滿安全感，所以我決定主動啲表白！
明明我有八成把握佢都鍾意我先主動表白，
但有人好自豪係我追佢！
經過一年幾嘅相處同經歷，
雖然中間都有喜有悲有困難有煩惱，
但我感覺到呢個就係我將來想一路走落去嘅男人！
由一齊到結婚都係自然而然，
感謝佢對我嘅包容、支持、愛錫，寵到我十分幸福快樂！
Yeda & Tommy
Thank you!
