Alex:
其實今次既Demo shooting 係一次好偶然嘅機會下促成，
籌備到拍攝只係用了不到一個星期的時間，
雖然籌備時間好短但慶幸當日所有既安排都很充足。
所有幫手既大部分Vendor都由我親自聯絡，
Model、化妝、錄影、場地、佈置、婚紗、幫手既工作人員⋯⋯
依次係我第一次親自籌備既拍攝活動，
而今次籌備既經歷，
都令我吸收到好多之前未試過既經驗。
由當初婚紗公司既聯繫，我主動要求Demo shooting既合作對方立馬應邀，
再到我聯絡之前曾經合作過既化妝師Barbie，
Barbie都好熱情地應邀真係好感恩大家既支持。
之後靈機一動覺得平常既Demo合作都好少會同場地合作，
不如試吓聯繫婚禮場地搞一個同場地合作既shooting，
馬上就同饒宗頤方面既負責人聯絡，
相約第二日親自到場溝通，
溝通過程好順利場地方面都給與很大程度既配合，
甚至後來連當日既工作人員膳食都可以幫忙安排到，
減少左好多當日要處理既瑣碎事。
原本按照常見既Demo shooting 既要求，
只要婚紗、化妝、model、攝影師依四大項目齊人，
就已經可以進行拍攝，
但既然連場地都聯絡左安排到，
所以都想好好珍惜每一次合作既機會，
唔好浪費各位Vendor既協助，
所以把心一橫將今次合作既Vendor再一次增加，
連場地佈置、花球、錄影都搵埋，
不經意間將今次合作機會搞到比我想像中大好多，
什至過程中有一種好似為自己按排婚禮一樣既錯覺hahahaha⋯⋯
另外有一樣比較深刻既事，
係因為我本身好鍾意食嘢既關係，
係拍攝日之前已經安排好果日拍攝完成後去食燒肉，
當日既全日拍攝雖然一啲都唔輕鬆，
但經過晚飯燒肉同啤酒既洗禮下，
當日拍攝既疲勞一掃而空，
大家有講有笑既氣氛下感覺成個人都年輕左hahaha⋯⋯
最後能夠係大家一齊協助下，
努力咁去做好一件事依種感覺真係非常好，
期待下次既合作。
化妝師 Barbie Hui：
好開心可以參與 Alex 今次籌備嘅攝影企劃，
同 Alex 之前已經合作過幾次，一直都好留意同欣賞佢嘅作品，
所以當收到佢邀請嘅時候，就係不用想就秒回答應！
今次有 Alex 極速籌備好model、婚紗、場地、攝錄、花球、佈置等合作夥伴，
雖然拍攝一整天加上天氣酷熱絕不是一件輕鬆事，
不過可以親身見到每一張相每一個鏡頭嘅拍攝過程，
每一位合作夥伴嘅專業、投入同配合，
可以參與其中係一件好享受好有樂趣嘅事。
記得當知道他們選定了的婚紗之後，
就已經想好每一件婚紗造型上有不一樣的感覺，
然後都有試探一下他們嘅想法 🙆🏻♀️ 因為能夠配合到攝影師想法嘅造型，
出嚟嘅作品一定更有感覺。印像比較深刻就係背著奔跑嗰個拍攝畫面，
加上溫暖嘅陽光、佈置與造型，當然仲有攝影師同埋大家嘅汗水，
完全呈現咗優美跳脫嘅感覺，好有温度。
之後 Alex 仲揀好一間餐廳一齊去食飯，
做完嘢大家坐埋一齊放鬆下傾下偈，係一次好開心好完美嘅合作！
好多謝今次合作嘅每一位 ❤️
Lotus@Morii Sonder:
收到Alex既邀請後, 立刻就已經開始係腦入面構思今次demo shooting 既idea,
希望可以帶到觀眾感受到婚禮里件一生人一次, 既美麗又浪漫既事.
本來覺得拍攝當日或多或少都可能會出些少差錯,因為整個demo shooting係只有一星期既籌備時間,
而最後所有野既完成度都係十分接近完美, 真係好感動.
十分多謝每個單位為今次demo shooting表現出既專業亦都好多謝Alex既邀請
希望我地既作品可以幫客人睇到自己未來婚禮規劃既初形, 由攝影攝錄,
場地佈置,嫁紗同埋花球每一樣都係新人同朋友分享甜蜜既重要原素！
如果大家有咩問題,千加唔好怕羞放膽問！
相信今次團隊既咁多位都會樂意幫手解答！
Aggie:
說真的，Alex找我的時候，是猶疑了，猶疑在我有沒有能力用一星期時間去設計及製作一個輕婚禮佈置，但心想可以得到由大師影出來的作品，渴望出來了，就這樣，答應了。
拍攝的那天，氣溫高得焫著了團火，雖全身濕了又乾，乾了又濕，但在沒有束縛的情況下，做了一直很想做的變色設計，和特別的椅花款式，這份滿足感，徹底把熱情的太陽伯伯蓋過了。
而Alex和場地負責人貼心的安排與照顧，令我這位怕熱怕得很的女子，有個安樂窩降溫一下，我真的很怕熱，口罩濕到換了5個之多，不是誇張啊，是真的，感謝你們呀！
在工作完畢後，也參與了團隊的飯局，認識你們深了深了深了！
合作愉快呀！
下次再找我啊！
真的很感謝，感謝各單位！
愛你們！
Angel:
今次的確係一次好特別嘅經歷，
同Alex因為工作關係而認識，再到佢搵我做model，
前後不過係差唔多兩個禮拜，
佢搵我做model嘅時候因為可以着婚紗、影婚紗相就諗都冇諗即刻應承左，
於是係機緣巧合之下我就擁有我第一次試婚紗，
第一次影婚紗相嘅經歷。
去到拍攝日，第一次見到其他合作嘅vendors就覺得佢哋全部都好專業，
係拍攝過程中因為係第一次影婚紗相，所以有啲緊張，
不過慢慢影下影下就習慣咗好多，去到最後見到成品嘅時候真係覺得好靚，
亦都好開心可以參與到呢次合作~
Danny：
這是我的攝影心情，
每次拍攝，總有不同的體會。
在饒宗頤文化館拍攝日，有著另一種體會。光與影交織一張美麗相片，絕非偶然。
這次我們用了一些時間去觀察這個百年歷史建築群每一個場景，做好準備。
在中式木製擺設的房間，感受到一份寧靜祥和心情，陽光照射的角度和時間很配合。
在證婚場地，華麗的擺設及模特兒兩者二合為一，充滿著浪漫及可愛的氣氛，是日我們拍下不少好作品。
婚紗攝影創作，有好的地方，有好的團隊，有好的模特兒，決一不可。
這是一個團隊美好創作，也是一個好的體驗。非筆墨可形容！謝謝召集人Alex 是次的安排。萬分感激。
Boss:
當日喺天橋接駁升降機嗰個位置，
當日喺天橋接駁升降機嗰個位置，
你大概話「我搵到個位，我想影啲我嘅嘢。」
我當下即刻諗到你平時嘅相係點樣，然後去咗舞台嗰個位拎盞大燈，
到回頭行緊去你嗰邊嗰時聽到你話「幫我拎盞燈」果刻有少少開心咗，
因為我估中左你下一步想要乜，哈哈！
另一個深刻位就係你教我鋪裙同拋紗，因為我覺得當中技巧唔係咁易偷師。
攝影Photo：Alex Fung photography
化妝mua：Barbie Hui Makeup
錄影video ：Morii Sonder
婚紗Gown ：TinE Atelier
場地Venue ：饒宗頤文化館
場地佈置Decor : ABc Wedding & Flower Workshop
模特兒Model : Angel Lai
花藝 Floist ：Keira Floralligraphy
Helpers ：高佬、Danny阿丹、wax、波士
——————————Facebook:
Photographer :@Alex Fung Photography
Videography: @Morii Sonder
Mua : @Barbie Hui Makeup
Gown : @TIN E Atelier
Venue : @饒宗頤文化館 Jao Tsung-I Academy
Decor : @ABc Wedding & Flower Workshop - Wedding Bouquet & Decoration
Flower : @Keira Floralligraphy
Model: Angel Lai
——————————
IG:
Photo : @alexfungphotography
Video : @visual_ms
Mua : @barbiehuimakeup
Gown : @tineatelier
Venue : @jtia.hk
Decor : @abc.flower
Flower : @Keirafloralligraphy
Model: @laionkeii
