Hello大家好 我係Jo Jo ，
今日我想同大家分享我同Johnny既愛情故事。
我地係工作上認識，佢年紀比我細但我一直都相信愛可以戰勝一切。
佢對我千依百順無微不至，
當時我覺得自己係全世界最幸福既女人（自我感覺良好），
但慢慢我地都發現我同佢無論係思想、生活上，
都有著唔同諗法同差距。
Johnny不但冇諗過放棄，更加為我一而再再而三去作出改變 ，
就係咁幾年之後我地就決定結婚，好快就有左我地既小朋友。
如果你以為之後既生活好似童話故事一樣咁就錯喇，
有左小朋友後既生活會有更多磨擦，
要兼顧家庭同工作 ，
亦要面對生活上嘅柴米油鹽，
一件小小嘅事都可以令到大家面紅耳赤。
最難能可貴就係明知大家都咁惡頂，
但一直頂住唔放棄，
相信幸福唔係遇到一個十全十美既人，
而係當你千瘡百孔，
身邊既伴侶都待你如珠如寶，
感恩我可以遇到Johnny。
Jojo & Johnny
Thank you!
